Ռոբերտ Քոչարյանը չի ներկայացել դատական նիստին
ՀՀ վերաքննիչ դատարանը՝ դատավոր Արմեն Դանիելյանի նախագահությամբ, հրապարակում է ինքնաբացարկի միջնորդությունների վերաբերյալ որոշումը:
Ռոբերտ Քոչարյանի փաստաբան Հայկ Ալումյանը նշեց, որ մեղադրյանի ներկայությունն ըստ օրենքի պարտադիր չէ.
«Բացի այդ, բոլոր պարագաներում անգամ եթե դատարանը մերժում է ինքնաբացարկ հայտնելու մասին որոշումը և շարունակում է դատավարությունը, միևնույն է գործի ծավալն այնպիսին է, որ պարոն Քոչարյանի ելույթի հերթը հազիվ թե հասնի, այդ պատճառով պարոն Քոչարյանը նախընտրեց այսօր դատական նիստին չգալ, բայց մեր միջոցով իրազեկեց նաև, որ եթե դատարանը անհրաժեշտ համարի պարոն Քոչարյանի մասնակցությունն այսօրվա նիստին, մենք կփոխանցենք, նա կգա»:
