Ասկերանի շրջանում հայտնաբերվել է 12-13-րդ դարերի խաչքար
«Արցախի հուշարձաններ» ֆեյսբուքյան էջում գրառում է տարածվել. «Նորահայտ խաչքար Ասկերանի շրջանի Պատարա գյուղի «լեսնոյ» կոչվող տարածքում. Ասկերանի շրջանի հուշարձանի պահապան Զարինա Այդինյանը իր ամուսնու՝ Վրեժ Այդինյանի հետ հերթական շրջայցի ժամանակ պատահել են այս քարին: Շրջելով ու մաքրելով՝ հայտնաբերվել է այս հրաշքը: Նորահայտ խաչքարը թվագրվում է 12-13-րդ դարերով: Տարածքում կան նմանատիպ ջարդված խաչքարեր»:
