Կատարյալ բեսպրեդել. Արարատի մարզպետն ու ցուցարար ծեծող Մասիսի քաղաքապետը այժմ՝ դաշնակիցներ. «Ժամանակ»
«Ժամանակ» թերթը գրում է. «Արարատի մարզպետ Գարիկ Սարգսյանը եւ նրա օգնական Լիլիթ Միրզախանյանը հանդիպել են Մասիսի քաղաքապետարանի աշխատակազմի հետ:
Հետաքրքիրն այն է, որ ընդամենը վեց ամիս առաջ Գարիկ Սարգսյանը եւ Մասիսի քաղաքապետ Դավիթ Համբարձումյանը քաղաքական հակառակորդներ էին` Սարգսյանը ճանապարհ էր փակում, իսկ Համբարձումյանը ծեծում էր ճանապարհ փակողներին: Բայց հիմա նրանք դաշնակիցներ են, որովհետեւ Համբարձումյանը՝ որպես Մասիսի քաղաքապետ, պետք է ձայներ ապահովի իր վերադասի` մարզպետ Սարգսյանի համար:
Լիլիթ Միրզախանյանը եւս ընդգրկված է «Իմ քայլը» դաշինքի ռեյտինգային ցուցակում, նույն թիվ 5 ընտրատարածքից: Թեեւ նա ձեւակերպված է մարզպետի օգնական, բայց կատարում է աշխատակազմի ղեկավարի պարտականությունները: Նոր Հայաստանի պետական կառավարման համակարգում կատարյալ բեսպրեդել է»:
Առավել մանրամասն՝ թերթի այսօրվա համարում
