Արցախում 700 զույգ ամուսանցել են նույն օրը և հսկայական հարսանիք կազմակերպել (Տեսանյութ)

Վանք գյուղում էի: Գիշեր էր: Հյուրանոցի պատշգամբում նստած էի, հանկարծ գիշերային լռության մեջ խոսակցության ձայներ լսեցի: Երկու տղամարդ էին խոսողները:

Մեկի ձայնը ջահելի էր , ասում է.

– Հեր ջան, դե բանակից վերադարձել եմ, պսակվել եմ ուզում:

Հայրը , թէ. – Տղա ջան, մի կով ու մի հորթ է ունեցածս, համբերիր էդ հորթը կով դառնա, որ էդ կովը ծախեմ, փող ունենանք, գոնե մատանի առնեմ։

Լսեցի, աչքերս լցվեցին, շատ հուզվեցի, հենց այդ պահին գլխումս ծագեց հայկական մեծ հարսանիք կազմակերպելու գաղափարը․․․

Ես մի բան գիտեմ, որ ամենամեծ զենքը քանակն է, մենք ուրիշ ճար չունենք, պիտի շատանանք․․․

Լևոն Հայրապետյան (2017թ․)