Սամվել Բաբայանը կալանավորվեց երկու ամսով
Սամվել Բաբայանը կալանավորվեց երկու ամսով
Քիչ առաջ Կենտրոն և Նորք-Մարաշ վարչական շրջանների ընդհանուր իրավասության դատարանը բավարարել է Ազգային անվտանգության ծառայության միջնորդությունը Սամվել Բաբայանին կալանավորելով երկու ամսով:
Ինչպես Ազատությանը փոխանցեց Բաբայանի փաստաբան Ավետիս Քալաշյանը, նրան մեղադրանք է առաջադրվել Քրեական օրենսգրքի 235 հոդվածի երկրորդ մասի և 235.1 հոդվածի երկրորդ մասի հատկանիշներով` «ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը, որոնք կատարվել են մի խումբ անձանց կողմից նախնական համաձայնությամբ»:
