«Հեռացեք, հիմա որոշումներ կայացնողը ես եմ». Ռոմանոս Պետրոսյանը՝ գյուղապետերին

«Ժամանակ» թերթը գրում է. «Կոտայքի մարզպետ Ռոմանոս Պետրոսյանը մարզի գյուղապետերին «չորով» հրահանգում է հրաժարվել պաշտոններից: Օրերս նա իր մոտ է հրավիրել մի շարք ՀՀԿ-ական ու ԲՀԿ-ական գյուղապետերի եւ խստիվ կարգադրել, որպեսզի հրաժարականների դիմումներ ներկայացնեն:

Բալահովիտ, Սոլակ, Կոտայք, Մրգաշատ, Գեղաշեն գյուղերի գյուղապետերին Պետրոսյանը խստիվ կարգադրել է ոչ մի տեղ չխոսել այն մասին, որ ինքն է ստիպում ազատվել աշխատանքից, այլապես իրենց համար կարող է վատ լինել: Երբ Մրգաշատի գյուղապետը ընդդիմացել է՝ ասելով, թե Նիկոլ Փաշինյանը հայտարարում էր, որ վենդետա չի լինելու, բացի այդ՝ իրենք ընտրովի մարմիններ են, մարզպետը պատասխանել է. «Հիմա որոշումներ կայացնողը ես եմ»:

Մեր լավատեղյակ աղբյուրների փոխանցմամբ` Ռոմանոս Պետրոսյանը շարունակում է թիրախավորել այն գյուղապետերին, ովքեր, իր կարծիքով, պետք է հեռանան: Փոխարենը նա փնտրում է երիտասարդ ակտիվիստների, որոնք մասնակցել են Փաշինյանի «թավշյա» քայլերթին եւ կարող են գյուղապետի հարմար թեկնածու դառնալ»:

Առավել մանրամասն՝ թերթի այսօրվա համարում։