Համացանցում հայտնվել է Վլադիմիր Գասպարյանի եղբոր Վարդավառի օրվա միջադեպի տեսանյութը
Տեսանյութում նախկին ոստիկանապետ Վլադիմիր Գասպարյանի եղբայրն է` ընտանիքով: Նրանց խիստ բարկացնում է, որ կոտայքցի երեխան Վարդավառին թեթևակի ջրում է BMW X6-ը: Ավագ Գասպարյանը ձեռքերն է գործի դնում, իսկ նրա աղջիկը էլեկտրաշոկով վախեցնում երեխաներին: Միջադեպը, սակայն, այսքանով չի ավարտվել։ Նախկին ոստիկանապետի եղբայրն ու նրա որդին հաշտվելու պատրվակով մեքենան ջրող երեխայի հորը քիչ անց հրավիրել են նույն գյուղում գտնվող իրենց առանձնատուն։
Ուղեղի ցնցումով հիվանդանոցում հայտնված Սարգսյանի խոսքով, բակ մտնելուց հետո Կարեն Գասպարյանը փակել է դարպասները ու իրեն ստիպել ծնկի գալ, ինչից հետո նրա որդին սկսել է հարվածներ հասցնել դեմքին։ Դրա մասին պատմող տեսանյութը մեկնաբանությունում կթողնեմ: Մի քանի անգամ ուշադիր դիտելով հասկացա, որ 13 տարեկան աղջիկն ու մյուս երեխաներն այսօր գրեթե նույնությամբ պատմեցին կատարվածը:
Նյութը՝ Սիսակ Գաբրիելյանի
