Մեկ միլիոն ռուբլի են խոստացել աղբանոցում հայտնաբերված նորածնի մոր մասին տեղեկատվության համար

Կամչատկայում նորածնի սպանության մեջ կասկածվող կնոջը հայտնաբերելուն օգնելու համար խոշոր դրամական պարգև է առաջարկվել։ Այդ մասին «Max» սոցիալական հարթակի միջոցով հայտնել է Ռուսաստանի Դաշնության Քննչական կոմիտեի Կամչատկայի երկրամասի մամուլի ծառայությունը։

2024 թվականի մարտի 6-ին աղբանոցում հայտնաբերվել է վերմակի մեջ փաթաթված նորածնի մարմին։ Դիահերձման արդյունքում պարզվել է, որ մահացածը սլավոնական արտաքինով տղա է եղել։

Նա ծնվել է 2024 թվականի փետրվարի 15-ից մարտի 6-ն ընկած ժամանակահատվածում՝ կենդանի, սակայն վաղաժամ։ Մահվան պատճառ է սահմանվել հիպոթերմիան։

Մինչ այժմ տղայի մոր ինքնությունը չի պարզվել։ Նրան հայտնաբերելուն օգնող անձին կտրամադրվի 1 միլիոն ռուբլի պարգև։