Պայթյուն ՊՆ ավտոբուսում. զոհվել է 4 զինվոր, կան վիրավորներ

Հինգշաբթի օրը երկրի արևելքում Սիրիայի պաշտպանության նախարարության ավտոբուսում ռումբ է պայթել, որի հետևանքով զոհվել է չորս զինվոր, վիրավորվել են մի քանիսը, հայտնել է երկրի նավթի նախարարը։

Նավթի նախարար Մոհամմեդ ալ-Բաշիրը X սոցիալական ցանցում հայտարարել է, որ զինվորները զոհվել և վիրավորվել են, երբ որպես պահակ գնում էին նավթային օբյեկտում աշխատանքի։

Պետական Al-Ikhbariah հեռուստաալիքը հայտնել է, որ պայթյունը տեղի է ունեցել Դեր-Զոր և Մայադին արևելյան քաղաքները միացնող ճանապարհին։

Մեծ Բրիտանիայում տեղակայված Մարդու իրավունքների սիրիական դիտորդական կենտրոնը հայտնել է, որ հարձակման հետևանքով երեք զինվոր է զոհվել, իսկ ինը վիրավորվել է։

Հարձակման պատասխանատվությունը ոչ ոք իր վրա չի վերցրել։