Տարիներ շարունակ ես թաքցրել եմ իմ զգացմունքները. եղեք այն, ինչ կաք. Քրիստինա Հովհաննիսյան
Դերասանուհի Քրիստինա Հովհաննիսյանն ինստագրամյան իր էջում նոր ֆոտոշարք է հրապարակել և կից գրառում կատարել, որը ներակայացնում ենք ստորև․
«Այս գրառման մեջ ես եմ՝ իրական ես։
Միշտ ժպտացող, բոլորին սրտաբաց ու ջերմ ժպիտ նվիրող Կրիստինան, որն այլևս չի վախենում ցույց տալ իր իրական զգացմունքները։ Երբ ուրախ եմ՝ ծիծաղում եմ, երբ տխուր եմ՝ արտասվում։
Գիտե՞ք, ես գրեթե միշտ ժպտում եմ մարդկանց, ու հաճախ ասում են՝ իմ դրական էներգիան փոխանցվում է ուրիշներին՝ թե՛ կյանքում, թե՛ էկրանից այն կողմ։
Ուզում եմ, որ յուրաքանչյուրդ լինեք հենց դուք՝ առանց դիմակների։ Երբեք մի փորձեք կրել ուրիշի կերպարը՝ զուտ համապատասխանելու համար։ Պարզապես եղեք այն, ինչ կաք, որովհետև այդպես եք դուք անփոխարինելի ու հիասքանչ։
Տարիներ շարունակ ես թաքցրել եմ իմ զգացմունքները՝ մտահոգվելով, թե ինչ կմտածեն ուրիշները։ Բայց մի օր հասկացա, որ դա ես չեմ։
Հիմա, երբ տխրում եմ, չեմ ձևացնում ժպիտ, իսկ երբ երջանիկ եմ՝ այդ լույսը անկեղծորեն տարածում եմ բոլորի վրա։
Եղեք պարզ, անկեղծ ու այնպիսին, ինչպիսին իրական եք։
Հիշեք՝ կյանքը միայն մեկ անգամ է տրվում, որքան էլ դա կարծես սովորական հնչի։
Եվ ապրեք այդ կյանքն այնպես, որ երբ մի օր հետ նայեք, ոչ մի կասկած ու ափսոսանք չունենաք», – գրել է նա:
