Արմավիրի ՔԿՀ-ում մահացել է Արցախից բռնի տեղահանված Արտաշես Վարդանյանը
Արմավիրի ՔԿՀ-ում մահացել է Արցախից բռնի տեղահանված Արտաշես Վարդանյանը։
Տեղեկությունը հայտնել է նրա պաշտպան Էրիկ Բեգլարյանը։
Պաշտպանի խոսքով՝ Վարդանյանը երկար ժամանակ բողոքել է առողջական վիճակի վատթարացումից, սակայն նրան չեն տեղափոխել հիվանդանոց և չեն ապահովել պատշաճ բժշկական օգնություն։
Էրիկ Բեգլարյանը դիմել է Հայաստանի Մարդու իրավունքների պաշտպանին և գլխավոր դատախազին՝ պահանջելով
- անցկացնել ուղիղ և լիարժեք քննություն Վարդանյանի մահվան հանգամանքների վերաբերյալ,
- պարզել՝ արդյոք ՔԿՀ ծառայողների կողմից եղել են անգործություն կամ անփութություն,
- և տալ իրավական հստակ գնահատական նրանց գործողություններին կամ անգործությանը։
Սա ՀՀ քրեակատարողական հիմնարկներում հերթական մահվան դեպքն է։
Այն հերթական անգամ բացահայտում է համակարգի լրջագույն խնդիրները՝ բժշկական օգնության մատչելիությունից մինչև կալանավորների հիմնարար իրավունքների պաշտպանություն։
