ՀԷՑ-ը ծանուցել է կարիքների համար գնումների գործընթացների գնահարցմանը ներգրավելու մասին
ՀԷՑ-ը ծանուցում է կարիքների համար գնումների գործընթացների գնահարցմանը ներգրավելու մասին։
«Գնման առարկաներ՝ սեղմված բնական գազ, ավտոմոբիլային բենզին (ԱԻ 92, ԱԻ 95) և ավտոմոբիլային դիզելային վառելիք։
«Հայաստանի էլեկտրական ցանցեր» ՓԲԸ կողմից վառելանյութի (սեղմված բնական գազ, ավտոմոբիլային բենզին (ԱԻ 92, ԱԻ 95) և ավտոմոբիլային դիզելային վառելիք) ձեռքբերման նպատակով շուկայի նախնական ուսումնասիրություն կատարելու վերաբերյալ։
«Հայաստանի էլեկտրական ցանցեր» ՓԲ ընկերությունը իր բնականոն գործունեությունը ապահովելու և ստանձնած պարտավորությունները կատարելու նպատակով նախատեսում է կազմակերպել գնման բաց մրցութային գործընթաց վառելանյութի (սեղմված բնական գազ, ավտոմոբիլային բենզին (ԱԻ 92, ԱԻ 95) և ավտոմոբիլային դիզելային վառելիք) ձեռքբերման համար:
Ընկերության կողմից նախաձեռնվող մրցութային գործընթացի օբյեկտիվությունը, ներառականությունը և թափանցիկությունը ապահովելու նպատակով նախատեսվում է իրականացնել շուկայի նախնական ուսումնասիրություն, կատարել գնահարցումներ և ոլորտի հնարավոր լայն շրջանակի տնտեսվարող սուբյեկտներից ստանալ գնառաջարկներ:
Գնահարցումներ կատարելու նպատակով Ընկերությունը առաջարկում է մասնակցության ցանկություն կամ հետաքրքրվածություն դրսևորող իրավաբանական անձանց և անհատ ձեռնարկատերերին մինչև սույն թվականի օգոստոսի 12-ը ներառյալ ստորև նշված էլեկտրոնային փոստի հասցեով ներկայացնել կազմակերպության կամ անհատ ձեռնարկատիրոջ անվանումը, կոնտակտային հեռախոսահամարը և էլեկտրոնային փոստի հասցեն:
Սահմանված ժամկետի ավարտից հետո գնահարցման հետագա գործընթացը ապահովելու նպատակով Ընկերության ներկայացուցիչը կապ կհաստատի բոլոր այն տնտեսվարող սուբյեկտների հետ, որոնք շահագրգռված են մասնակցելու ծանուցմամբ նշված գործընթացին:
Հասցեն՝ Ա. Արմենակյան 127, էլ. փոստ: Asilyan_MS@ena.am: Հեռ.՝ 011-59-13-73:
Ընկերության ներկայացուցիչ՝ Մերի Ասիլյան»,- ասված է հաղորդագրությունում:
