Եղբայրս գրկումս մահացավ. նոր մանրամասներ Մերձավանի միջադեպից
Միջադեպի հետևանքով զոհված Գրիգոր Օհանյանի եղբայրը՝ Նարեկ Օհանյանը, «Հայկական ժամանակ»-ի հետ զրույցում նոր մանրամասներ է հայտնել՝ ասելով, որ զինված հարձակմանը նախորդել է կոնֆլիկտ գյուղի տղաների միջև, իսկ տան վրա կատարված զինված հարձակումը նախապես ծրագրված է եղել:
Ըստ զոհվածի եղբոր՝ տնից դուրս գալուց անմիջապես հետո ինքը, եղբայրը՝ Նարեկը, որը զոհվել է միջադեպի ժամանակ, և վերջիններիս ընկերը ներքաշվել են տան դիմաց սկսած վիճաբանության մեջ։
Լուրեր են շրջանառվում նաև, որ Ախտոյանները վիճաբանության ժամանակ տանն են եղել, սակայն դուրս չեն եկել և չեն փորձել հանդարտեցնել իրավիճակը: Նարեկ Օհանյանն ասում է, որ ինքն ու եղբայրը թույլ չեն տվել Մհեր Ախտոյանին դուրս գալ տնից և որպես համայնքի ղեկավար մասնակից դառնալ միջադեպին։
Ըստ նրա՝ Վոլոդյա Գրիգորյանը («Ապրելու երկիր» կուսակցության անդամ, նախկին ՀՀԿ-ական համայնքապետի որդին) ու նրա շրջապատը կապ ունեն քրեական աշխարհի հետ, և առաջին անգամը չէ, որ այսպիսի դեպք է տեղի ունենում համայնքում, սակայն մի տարբերությամբ՝ նախկինում տան վրա հարձակում և զոհ չի եղել:
