ԱԺ պատգամավոր Մհեր Սահակյանն երեկվանից որոնվում էր․ ինչ է հայտնի

Այսօր տեղեկացանք, որ Երևան-Երասխ-Մեղրի ավտոճանապարհի Տիգրանաշենի ոլորանների հատվածում՝ ԱԺ պատգամավոր Մհեր Սահակյանի վարած «Hyundai Accord» մակնիշի ավտոմեքենան գլորվել է ձորը:

Bavnews.am-ի տեղեկություններով՝ ԱԺ պատգամավորն երեկվանից որոնվում էր։ Ավտոմեքենայի մեջ փրկարարները հայտնաբերել են Ազգային ժողովի պատգամավոր, «Հայաստան» խմբակցության անդամ Մհեր Սահակյանի մարմինը:

ԱԺ պատգամավոր Մհեր Սահակյանը ծնվել է 1988թ. հունվարի 30-ին Երևանում:

2008թ. ավարտել է Երեւանի պետական համալսարանի իրավագիտության ֆակուլտետը: Իրավաբան: Փաստաբան:

2008-2009թթ. աշխատել է «Ինթերնեյշնլ Մասիս տաբակ» ՍՊԸ իրավաբան: 2009-2010թթ.՝ «Գրանդ տաբակո» հայ-կանադական ՀՁ իրավախորհրդատու: 2012թ. աշխատել է ՀՀ դատական դեպարտամենտի կրտսեր մասնագետ: 2014-2019թթ.՝ ՀՀ արտակարգ իրավիճակների նախարարության «Տեխնիկական անվտանգության ազգային կենտրոն» ՊՈԱԿ-ի իրավաբանական եւ պայմանագրային վարչության պետ, ապա՝ տնտեսական, տեղեկատվական եւ վերլուծության վարչության պետ: 2021-2022թթ.՝ ԱԺ պատգամավորի օգնական՝ հասարակական հիմունքներով:

2016 թվականից ՀՅԴ անդամ է: 2022թ. դեկտեմբերի 10-ին ԱԺ պատգամավոր է ընտրվել «Հայաստան» կուսակցությունների դաշինքի համապետական ընտրական ցուցակով:

Ամուսնացած է, ունի երեք զավակ: