Ավտովթարից մահացած 33-ամյա սպան 44-օրյա պատերազմի մասնակից էր, ուներ մեկ որդի
Ավտովթարից մահացած 33-ամյա սպան 44-օրյա պատերազմի մասնակից էր, ուներ մեկ որդի
Գեղարքունիքի մարզում այսօր վաղ առավոտյան տեղի ունեցած ողբերգական ավտովթարի հետևանքով մահացած զինծառայող 33-ամյա Նարեկ Գրիգորյանը Շիրակի մարզի Շիրակ գյուղից էր, ամուսնացած էր, ունի մեկ որդի։
Շիրակի վարչական ղեկավար Համլետ Ասատրյանը Oragir.News-ի հետ զրույցում ասաց, որ Նարեկ Գրիգորյանը երկար ժամանակ ծառայում էր Զինված ուժերում։
«Նարեկը կապիտան էր, ծառայել էր նաև Արցախում, ամբողջ պատերազմի ժամանակ Մարտակերտի դիրքերում է եղել, մասնակցել մարտական գործողություններին։ Հրաշքով էր փրկվել ու տուն եկել։
Նարեկը մեկ եղբայր ունի և մեկ քույր, ինքը երեխաներից մեծն էր։ Այս պահին նրա մարմինը Սևանից տեղափոխում են Շիրակի մարզ՝ դիահերձարան»,- ասաց գյուղապետը։
Նշենք, որ հունվարի 11-ին, ժամը 8։20-ի սահմաններում խոշոր ավտովթար է տեղի ունեցել Գեղարքունիքի մարզի Վարդենիս-Ճամբարակ ավտոճանապարհին, ինչի հետևանքով մահացել է ՀՀ ՊՆ N զորամասի զինծառայող Նարեկ Գրիգորյանը։
