Բաքվի ուղարկած 40 տոննա ալյուրը հասավ Աղդամ
Բաքվի ուղարկած 40 տոննա ալյուրը հասավ Աղդամ
Բաքվից 40 տոննա ալյուրով բեռնված երկու բեռնատարները հասել են Աղդամ, հաղորդում են ադրբեջանական լրատվամիջոցները:
APA լրատվական գործակալությունը կից տեսանյութ է հրապարակել, որում երևում են թարմ ասֆալտապատ մայրուղու վրա կայանված երկու բեռնատարներն ու բազմաթիվ այլ ուղևորատար մեքենաներ, ինչպես նաև մի խումբ մարդիկ։
Բեռնափոխադրման փորձը կազմակերպած ադրբեջանական Կարմիր Մահիկի նախագահ, պատգամավոր Նովրուզ Ասլանի խոսքով՝ «մոբիլիզացվել են կամավորներ մարդասիրական բեռը տեղ հասցնելու համար»։
Արցախի նախագահի մամուլի խոսնակ Լուսինե Ավանեսյանը, այսօր ավելի վաղ մեկնաբանելով Աղդամով մարդասիրական օգնություն ուղարկելու Բաքվի քայլը, հայտարարել է, մասնավորապես, որ «արցախյան կողմի հետ որևէ պայմանավորվածություն չի եղել»:
