Ռուսական ФСБ-ն Հայաստան թուրք զինվորների մտնելու լուրերի մասին
Ռուսական ФСБ-ն Հայաստան թուրք զինվորների մտնելու լուրերի մասին
Ռուսաստանի Անվտանգության դաշնային ծառայության Հայաստանյան սահմանապահ վարչությունը հերքել է տարածված տեղեկություններն այն մասին, թե թուրք զինվորականները հատել են պետական սահմանը, մտել հայկական Արագածավան գյուղ եւ կատարել հակաօրինական գործողություններ գյուղի բնակիչների նկատմամբ։
Այս մասին հայտնում է ՌԴ ԱԴԾ Հայաստանյան սահմանապահ վարչությունը։
Շրջանառվող տեղեկությունները չեն համապատասխանում իրականությանը՝ ըստ ФСБ-ի, եւ ներկայումս պետական սահմանի պահպանությունը շարունակվում է իրականացվել ամենօրյա սովորական ռեժիմով։
Նշենք որ, լուրեր էին տարածվել, որ Թալինի Արագածավան գյուղում լարված իրավիճակ է. երեք զինված թուրքեր են մտել, ութ հովիվների` իրենց անասուններով գերի են վերցրել, որոշ ժամանակ անց ռուսական կողմի միջնորդությամբ սկզբում անասուններին են բաց թողել, այնուհետև` հովիվներին:
