Տեսախցիկը արձանագրել է ամբողջական միջադեպը՝ նախարար Հակոբ Արշակյանի և լրագրող Փայլակ Ֆահրադյանի միջև
Տեսախցիկը արձանագրել է ամբողջական միջադեպը՝ նախարար Հակոբ Արշակյանի և լրագրող Փայլակ Ֆահրադյանի միջև
Այսօր՝ մարտի 18-ին, կայծակնային արագությամբ էլեկտրոնային լրատվամիջոցներում տեղեկություն տարածվեց, որ միջադեպ է տեղի ունեցել ՀՀ բարձր տեխնոլոգիական արդյունաբերության նախարար Հակոբ Արշակյանի և լրագրող Փայլակ Ֆահրադյանի միջև:
Shamshyan.com-ը ներկայացնում է բացառիկ տեսանյութ, որն արձանագրվել է Աբովյան փողոցում գործող «Մամուռ» սրճարանում տեղադրված տեսախցիկների կողմից, որով երևում է, որ նախարարը, Shamshyan.com-ի տեղեկություններով՝ իր կնոջ հետ ընդմիջում անելիս է եղել, երբ Փ. Ֆահրադյանը մոտեցել է նրան և զրուցել: Սրճարանի 2 աշխատակիցներ, ովքեր հրաժարվեցին տեսախցիկի առջև խոսել, ասում էին.
«Միջադեպից հետո ենք իմացել, որ Հ. Արշակյանը նախարար է, ով կնոջ հետ այցելել է սրճարան: Որոշ ժամանակ անց Փ. Ֆահրադյանը, որի մասին նույնպես հետո ենք իմացել, որ լրագրող է, զուգարանից դուրս է եկել ու նկատել է Հ. Արշակյանին ու ձեռքի հեռախոսով, հավանաբար, կամեռան միացրած մոտեցել է նրանց:
Լրագրողը հարցեր էր ուղղում նախարարին, թե մեր հարկատուների հաշվին ինչո՞ւ եք այս ժամին այստեղ գտնվում, նախարարն էլ կուլտուրական պատասխանում է, թե կնոջս հետ եմ, այստեղ այն տեղը չի, որ ձեր հարցերին պատասխանեմ, թողեք մի քանի րոպե կնոջս հետ ընդմիջումս վայելեմ»:
Սակայն մեր զրուցակիցներն ասում էին, որ լրագրողը իրենն է պնդել և ինչ-որ արտահայտություններ է արել իրենց հաճախորդին, ինչն էլ նախարարին հունից հանել է:
Տեսանյութը ստորև
