Հայ լինելը հիմա անպատիվ է ամբողջ աշխարհում․ Վազգեն Մանուկյան (Տեսանյութ)

Հայ լինելը հիմա անպատիվ է ամբողջ աշխարհում․ Վազգեն Մանուկյան (Տեսանյութ)

Այս մասին Ազատության հրապարակում լրագրողների հետ զրույցում ասաց «Հայրենիքի փրկության շարժան» վարչապետի թեկնածու Վազգեն Մանուկյանը:

«Երբ մարդու ուշքն ու միտքն այն է, որ իշխանություն պահի, ինքն ինչ-որ պոպուլիստական քայլեր կարող է անել, բայց կարծում եմ, որ Նիկոլ Փաշինյանը մեր երկրի ապագայի համար վտանգավոր է դարձել։

Անցյալից դատելով կարող եմ ասել, որ մի մարդ, որը ուժասպառ ձեւով փորձում է իշխանություն պահել եւ ո՛չ հարգանք ունի ժողովրդի, ո՛չ էլ արտաքին աշխարհի կողմից, նա որեւէ օգուտ Հայաստանին բերել չի կարող։ Իր ամենահայրենասիրական քայլը կլիներ, եթե ինքը կամավոր գնար։

Շատ են ասում՝ ընդդիմություն, ընդդիմություն, նախ ես այդ բառին կողմ չեմ։ Ընդդիմություն լինում է, երբ քաղաքական ուժերի պայքար է գնում, իսկ այստեղ երկիրը բացահայտ հասցված է կատաստրոֆայի։

Դուք խորը գիտակցու՞մ եք՝ ինչ ենք կորցրել, մենք կորցրել ենք ամեն ինչ՝ Արցախը, մենք կորցնում ենք մեր սահմանները, հայ լինելը հիմա անպատիվ է ամբողջ աշխարհում, արհամարված մի պետություն, որի ղեկավարի դիմաց ցանկացած թուղթ դեմ են տալիս, ինքը ստորագրում է։

Հիմա այդ մարդը ոնց կարող է որոշել, որ ինքը պիտի մնա, ինքը չի որոշողը ինքը մնալու է, թե ոչ, ժողովուրդը պիտի որոշի, իսկ ձեր նշած այդ քաղաքական ընդդիմությունը կազմակերպում է այդ ամենը, որպեսզի ժողովրդի միջոցով փոխվի իշխանություն»,- ասաց Մանուկյանը։

Տեսանյութը ստորև