Հեղեղումներ Թբիլիսիում. քաղաքացիներին կոչ է արվել մնալ տներում
Հեղեղումներ Թբիլիսիում. քաղաքացիներին կոչ է արվել մնալ տներում
Վրաստանի մայրաքաղաք Թբիլիսիում հորդառատ տեղումներն ու քամին խնդիրներ են ստեղծել. փողոցներն ու գետնանցումները հեղեղված են, կան տապալված ծառեր, վնասվել են էլեկտրական լարեր:
Այս մասին ասված է Թբիլիսիի քաղաքապետարանի տարածած հաղորդագրության մեջ:
«Թբիլիսիի քաղաքապետարանի և ՆԳՆ արտակարգ իրավիճակների կառավարման ծառայության բոլոր համապատասխան ստորաբաժանումներն ամբողջությամբ մոբիլիզացվել են, սկսվել է խնդիրների վերացման գործընթացը:
Տեղում ներկա են Թբիլիսիի բոլոր շրջանային վարչությունների ներկայացուցիչները:
Բնակչությանը կոչ ենք անում խուսափել փողոցներով տեղաշարժվելուց, իսկ անհրաժեշտության դեպքում զանգել քաղաքապետարանի թեժ գծի համարով»,- ասված է Թբիլիսիի քաղաքապետարանի տարածած հաղորդագրության մեջ:
