Խոշոր ավտովթար Լոռու մարզում․ բախվել են «06»-ն ու «07»-ը․ վիրավորներից 2-ը ծայրահեղ ծանր են, 1-ն էլ անչափահաս է
Խոշոր ավտովթար Լոռու մարզում․ բախվել են «06»-ն ու «07»-ը․ վիրավորներից 2-ը ծայրահեղ ծանր են, 1-ն էլ անչափահաս է
Shamshyan.com-ը գրում է․ Այսօր՝ մայիսի 5-ին, խոշոր ավտովթար է տեղի ունեցել Լոռու մարզում։ Ժամը 07։30-ի սահմաններում Վանաձոր-Սպիտակ ավտոճանապարհի 3-րդ կմ-ին բախվել են VAZ 2106 և VAZ 2107 մակնիշի ավտոմեքենաները։
Ինչպես հայտնում է ֆոտոլրագրող Գագիկ Շամշյանը, վթարի հետևանքով 5 հոգի տարբեր աստիճանի մարմնական վնասվածքներով տեղափոխվել են «Վանաձոր» բժշկական կենտրոն։
Վիրավորներին առաջինն օգնության են հասել քաղաքացիները և օպերատիվորեն ժամանած ՀՀ Ներքին գործերի նախարարության Փրկարար ծառայության Վանաձորի թիվ 37 հրշեջ-փրկարարական ջոկատի փրկարարները։
«Վանաձոր» բժշկական կենտրոնի շտապօգնության բժիշկների հերթապահ խումբը, ովքեր վիրավորներին մինչև հիվանդանոց տեղափոխելը, տեղում առաջին բուժօգնութունն են ցուցաբերել։
Վթարի փաստով քննչական վարչությունում նախաձեռնվել է վարույթ։ Ոստիկանությունն ու քննչական բաժինը պարզում են վարորդների և վիրավորների ինքնությունը։
Քննիչի հանձնարարականով՝ ավտոմեքենաները տեղափոխվում են Ոստիկանության Գուգարքի բաժնի պահպանվող հատուկ տարածք։
Վիրավորներից 2-ը ծայրահեղ ծանր են, 1-ն էլ անչափահաս է։
