Շատ համեղ հավի տապակած սրտիկներ

Շատ համեղ հավի տապակած սրտիկներ

Խանութ միս գնելիս՝ շատ տնային տնտեսուհիներ անմիջապես առանձնացնում են հավի կրծքամիսը, թևիկները ու տոտիկները: Շատերը նույնիսկ չեն նայում դեպի փորոքները և սրտիկներից, բայց շատ ափսոս:

Հավի սրտիկներից դուք կարող եք պատրաստել անմահական կերակուր, որը իր համով կարող է գերազանցել նույնիսկ ամենանուրբ հավի ֆիլեին:

Bavnews.am-ը ուզում է իր ընթերցողի հետ կիսվել վրացական ձևով տապակած հավի սրտիկների յուրօրինակ բաղադրատոմսով։Համեմունքների զարմանալի համադրության բույրը անմիջապես կգրավի ձեր տան անգամ ամենաքմահաճ անդամներին։

Այսպիսով, պահպանեք բաղադրատոմսը և պատրաստեք հաճույքով:

Բաղադրիչներ

Հավի սիրտ՝ 500 գ

Սոխ՝ 80 գ

Նուռ՝ մեկ հատի 4-րդ մասը

Սխտոր 10 գ

Աղ՝ մի թեյի գդալ

Սև պղպեղ (ազացած)՝ 0.3 թեյի գդալ

Համեմի սերմ՝ 0.3 թեյի գդալ

Համեմ՝ 5 գ

Արևածաղկի ձեթ՝ 2 ճաշի գդալ

Ջուր՝ 100 մլ

Կարագ՝ 30 գ

Պատրաստման եղանակը

1․ Լվացեք և մանր կտրատեք համեմը, կլպեք և կտրատեք սոխն ու սխտորը: Սոխը տապակել նախապես բուսայուղով տաքացրած տապակի մեջ, մինչև դառնա թափանցիկ, ապա ավելացնել սխտորը և տապակել բաղադրիչները միջին ջերմության վրա 1 րոպե:

2․ Լվացված հավի սրտիկներըը տապակի մեջ լցնել, դրանք համեմել աղով, պղպեղով, համեմի սերմով, ապա լավ խառնել այդ ամենը միասին:

3․ Ավելացրեք ջուրը, ընդհանուր զանգվածը հասցրեք եռման աստիճանի, տապակը ծածկեք կափարիչով և 20 րոպե թողեք, որ եփ գա ցածր կրակի վրա:

4․ Պատրաստ լինելուց մեկ րոպե առաջ կարագը լցնում եք տապակի մեջ, սպասում հալվի, և վերջում ավելացնում եք կտրատված թարմ համեմը:

Մաղթում ենք ձեզ բարի ախորժակ։

Նյութը հրապարակման պատրաստեց Bavnews.am-ը։