Ինչու է կարմիր գինին համարվում այդքան օգտակար
Ինչու է կարմիր գինին համարվում այդքան օգտակար
Bavnews.am-ը ձեզ է ներակայցնում կարմիր գինու օգտակար հատկությունները, թե այն ինչու է համարվում այդքան օգտակար։
Կարմիր գինու օգտակարությունների մասին կարելի է անվերջ խոսել։
Գինին արտադրվում է հազարավոր տարիներ շարունակ։ Հայտնի հնագույն գինու գործարանը 6,100 տարեկան Արենի-1 գինու գործարանն է Հայստանում։
Գինու ամենահին հայտնի հետքերից մեկը Վրաստանից է (մ.թ.ա. 6000), Իրան (մ.թ.ա. 5000 թվական) և Սիցիլիա (մ.թ.ա. 4000 թվական) չնայած դրան կան ապացույցներ այն մասին, որ նմանատիպ խմիչք ավելի վաղ առկա էր Չինաստանում (մ.թ.ա. 7000 թ.)։
Կարմիր գինին պարունակում է ռեսվերատրոլ նյութ, որը դանդաղեցնում է շաքարախտի զարգացումը և նպաստում է կյանքի տևողության ավելացմանը:
Ռեսվերատրոլը քիմիական միացություն է, որը պարունակվում է խաղողի կեղևի և հետևաբար գինու մեջ:
Իսրայելի Բեն Գուրիոն համալսարանի մասնագետները պարզել են, որ ամեն երեկո ընթրիքին մեկ բաժակ գինու օգտագործումը դրական կազդի ձեր առողջության վրա:
Համաձայն մասնագետների կողմից կատարված հետազոտությունների, կարմիր գինու նման չափաբաժինն օրգանիզմում ավելացնում է օգտակար խոլեստերինի քանակը և բարելավում է քունը:
Կարմիր գինին կարևոր վիտամիններ, հանքանյութեր և հակաօքսիդանտներ է պարունակում, որոնք բարենպաստ ազդեցություն ունեն թե ֆիզիկական, թե հոգեկան առողջության վրա:
Այն օրգանիզմը պաշտպանում է ազատ ռադիկալների վնասակար ազդեցությունից:
Կարմիր գինին խթանում է էնդորֆինների և սերոտոնինի արտադրությունը և խորհուրդ է տրվում մարդկանց, ովքեր պայքարում են դեպրեսիայի դեմ:
Կարմիր գինին կարող է օգնել ազատվել հոգնածությունից, էներգիա հաղորդել, մեծացնել ֆիզիկական և մտավոր ատիվությունը:
Առաջներում մարդիկ շատ են օգտագործել գինի:
Նույնիսկ թագավորական պալատներում ջրի փոխարեն սափորներով գինի է դրված եղել և երբ ինչ որ մեկը իրեն վատ է զգացել, ապա նրան գինի են տվել:
Դրանք թույլ գինիներ են եղել, նույնիսկ ջրով բացված:
Իրականում, գինին մանրէասպան հատկություն ունի:
Կարմիր գինու չարաշահումը կարող է վնասել էմալը, սակայն դրա չափավոր օգտագործումը նպաստում է բերանի խոռոչի առողջության պահպանմանը՝ ատամներն ու լնդերը պաշտպանելով վարակներից:
Գիտնականները պարզել են, որ կարմիր գինին նաև հակաքաղցկեղային միջոց է: Այն լավ բուժիչ միջոց է նաև սրտանոթային հիվանդների համար:
Կարմիր գինու մեջ առկա տինին նյութը հաջող պայքրի միջոց է արյանխցանումների դեմ։
Փորձարկումները ցույց տվեցին, որ կարմիր գինի օգտագործողների մոտ պակասում է սրտանոթային հիվանդություններով մահացությունը։
Նյութը հրապարակման պատրաստեց՝ Bavnews.am-ը
