Դավիթն ու Աստղիկը խնջույք են կազմակերպել նորածին որդու համար. ֆոտո
Դերասան-ամուսիններ Դավիթն ու Աստղիկը երկու ամիս է՝ վայելում են իրենց երկրորդ բալիկի ներկայությունը: Գլենդելում բնակություն հաստատծ զույգը վերջերս փոքրիկ Մարկի համար խնջույք է կազմակերպել, իսկ լուսանկարներն ու մանրամասները վստահել BRAVO.am-ին:
«Մարկը մեր կյանքը շատ է փոխել, քանի որ մենք բավական երկար ժամանակ երեքով էինք: Փոքրիկ մարդուկի հայտնվելը մեր կյանք, մեր առօրյա բավական անսվոր էր, բայց նա մեզ ստիպեց հաշվի նստել իր հետ, եւ շատ արագ բոլորս հարմարվեցինք նրան»,-նշել է Աստղիկը:
Նրա խոսքով՝ ավագ որդին պատասխանատվությամբ է ստանձնել մեծ եղբոր դերը. «Նույնիսկ չէի էլ սպասում: Մինչեւ Մարկիս ծնվելն Արեգս դեռ փոքր էր ինձ համար, բայց փոքրիկի ծննդից հետո զգացի՝ ինչպես նա մեծացավ եւ հասունացավ. շատ ուշադիր եւ հոգատար ապերիկ է»:
Փոքրիկի պատվին կազմակերպված խնջույքին ներկա են եղել զույգի մտերիմները. «Մեր ընկերներն էին ներկա: Նրանք եկել էին Մարկին բարի գալուստ ասելու այս մեծ եւ հիասքանչ աշխարհ: Շնորհակալ ենք բոլորին»:
Դերասանուհին խոստովանել է, որ փոքրիկի ծննդից հետո իրեն մեղավոր է զգացել ավագ որդու առջեւ. «Մարկի ծնվելուց հետո, ճիշտն ասած, նույնիսկ դեպրեսիա սկսվեց: Թվում էր՝ բավարար ուշադրություն չեմ դարձնում մեծ տղայիս, հեռացել ենք իրարից, էլ մեր ուժեղ կապը չկա: Բայց դա պարզապես ուշադրություն էր Մարկի նկատմամբ, չէ՞ որ նորածիններն ավելի շատ են պահանջում ուշադրություն, իսկ սերս երկուսի հանդեպ էլ անսպառ է»:
Աստղիկը խոսել է նաեւ ամուսնու վերաբերմունքի մասին.«Դավիթը մի փոքր այլ կերպ է իրեն դրսեւորում: Արեգի ժամանակ տանը քիչ էր լինում. շատ էին նկարահանումներն ու ներկայացման փորձերը, այժմ, ինձ թվում է, Մարկից նաեւ Արեգի կարոտն է առնում: Դավիթը ոչ միայն հրաշալի հայրիկ է, այլեւ հրաշալի ընկեր Արեգի համար, նրանք ավելի շատ ընկերներն են, քան հայր ու որդի»:
Աղբյուր՝ bravo.am
