Սփյուռքահայերը ցույց են անում նախարարության շենքի դիմաց

Հայրենադարձվածները վաղ առավոտից շարունակում են մնալ Սփյուռքի նախարարության շենքի դիմաց։ Նրանք արտահայտում են իրենց բողոքը նախարարությունների օպտիմալացման հարցի հետ կապված։

Սփյուռքահայերի նախաձեռնությամբ նամակ է գրվել, որ հանձնվել է Սփյուռքի նախարարի պաշտոնակատար Մխիթար Հայրապետյանին։

Ակցիայի մասնակից Աստղիկ Կարապետյանը կարծում է, որ նախարարությունների միացումը կարող է բացասական ազդել իրենց հարաբերությունների վրա․

«Սփյուռքը ներկայացնում է 10 միլիոն մարդ, որոնց կապող օղակը նախարարությունն է, եթե այն չլինի մենք չգիտենք՝ ինչ պետք է լինի»։

Նրանք կարծում են, որ հայրենադարձության խնդիրը ոչ միայն չի լուծվի, այլև կշարունակի ավելանալ։

Մասնակիցները իրենց քայլերթը շարուանկեցին դեպի Կառավարության շենք և իրենց նամակները հանձնեցին նամակների վարչության պետ Ալեքսանդր Ղազարյանին։

Լիանա Մարտիրոսյան