Ապրիլի վերջին շաբաթ օրը կնշվի ՀՀ քաղաքացու օր, ի նշանավորումն ոչ բռնի, թավշյա, հեղափոխության հաղթանակի

Ապրիլի վերջին շաբաթ օրը կնշվի ՀՀ քաղաքացու օր, ի նշանավորումն ոչ բռնի, թավշյա, հեղափոխության հաղթանակի

«Այսօր կառավարությունը հավանություն տվեց օրենքի նախագծին, որով առաջարկվում է ապրիլի վերջին շաբաթ օրը նշել որպես Քաղաքացու օր՝ ի նշանավորումն 2018 թվականի ապրիլ-մայիսին Հայաստանում տեղի ունեցած Ոչ բռնի, թավշյա, ժողովրդական հեղափոխության հաղթանակի:

Սա ոչ թե նոր կառավարության, այլ ժողովրդի ու ժողովրդավարության հաղթանակի օրը պիտի լինի եւ պիտի դառնա իրոք ժողովրդական տոն, այնպիսի տոն, ինչպիսին է՛ր բուն հեղափոխությունը:

Իսկ թե հատկապես ինչպես է պետք նշել այդ օրը՝ կարծում եմ պիտի որոշվի նաեւ հանրային, համացանցային քննարկումների արդյունքում:

Հ.Գ. Եթե ապրիլի վերջին շաբաթ օրը համընկնի ապրիլի 24-ի հետ, այդ տարի Քաղաքացու օրը կնշվի ապրիլի վերջին կիրակի օրը»,- Ֆեյսբուքյան իր էջում գրել է ՀՀ վարչապետ Նիկոլ Փաշինյանը։

Այս թեման քննարկվել է նաև այսօր կայացած կառավարության հերթական նիստում, որի մասնրամասները կարող եք դիտել ստորև ներկայացված տեսանյութում․