«Team Telecom»-ի աշխատակիցը էլեկտրասյան վրա մալուխ ամրացնելիս հոսանքահարվել ու վայր է ընկել

March 23, 2024 Bavnews Team Telecom

Shamshyan.com-ի հաղորդմամբ՝ ժամը 14։00-ի սահմաններում ՀՀ Ներքին գործերի նախարարության ոստիկանության Աշտարակի բաժին «Աշտարակ» բժշկական կենտրոնից ահազանգ է ստացվել, որ շտապօգնության բժիշկների հերթապահ խումբը «ոտքի վնասվածք» ախտորոշմամբ իրենց մոտ է տեղափոխել մի քաղաքացու։

Տեղում պարզվել է, որ վիրավորը «Աշտարակ» բժշկական կենտրոնում անհրաժեշտ բուժօգնությունը ստանալուց հետո տեղափոխվել է Երևանի «Արմենիա» բժշկական կենտրոն։

Ոստիկանության Աշտարակի բաժնի համայնքային ոստիկանները պարզել են, որ վիրավորը Երևանի բնակիչ 49-ամյա Արտակ Հ․-ն է, ով նույն օրը ժամը 13։00-ի սահմաններում Աշտարակ քաղաքի Սմբատ Շահազիզի փողոցի 86 հասցեի դիմաց էլեկտրասյան վրա ինտերնետային մալուխը ամրացնելու ժամանակ անզգուշաբայր կպել է էլեկտրական հոսանքալարին, ինչի հետևանքով հոսանքահարվել է և վայր ընկել։

Դեպքի փաստով ոստիկանության Աշտարակի բաժնում փաստաթղթեր են ձևակերպվել, որոնք փոխանցվել են Հայաստանի քննչական կոմիտեի Արագածոտնի մարզային քննչական վարչություն։

Գ․ Շամշյանի տեղեկություներով՝ Արտակ Հ․-ն աշխատում է «Team Telecom Armenia» բաց բաժնետիրական ըներությունում։

Կիսվել