Բղավելով չի կարելի դաստիարակել երեխաներին
Բղավելով չի կարելի դաստիարակել երեխաներին
Փիթսբուրգի և Միչիգանի համալսարանների գիտնականների ուսումնասիրությունների համաձայն՝ երեխաների մոտ մեծանում է դեպրեսիայի և ագրեսիվ վարքի վտանգը, երբ ծնողները բղավում կամ հայհոյում են նրանց։
Դա, ըստ մասնագետների՝ երեխայի վրա ազդում է այնպես, ինչպես ծեծը:
«Բղավելով չի կարելի դաստիարակել»,- հայտարարել է Փիթսբուրգի համալսարանի կրթության և հոգեբանության ամբիոնի դոցենտ, հետազոտության համահեղինակ Մին Տե Վանը: Ուսումնասիրությունն անցկացվել է 976 ընտանիքների շրջանում:
Արդյունքները ցույց են տվել, որ այն երեխաները, որոնց վրա ծնողները 13 տարեկան հասակում բղավել են, 14 տարեկանում նրանց վարքն ավելի բացասական է եղել:
Հետազոտության հեղինակների պնդմամբ՝ նման երեխաները հաճախ են վիճել իրենց հասակակիցների հետ, վատ են սովորել, ստել ծնողներին։
Գիտնականները եկել են այն եզրահանգման, որ երեխան մշտապես սթրեսի մեջ է ապրում ծնողների կոպտության պատճառով, ինչը հանգեցնում է սրտանոթային ակտիվության նվազման, ինչպես նաև հորմոնալ խանգարումների և բորբոքային գործընթացների առաջացման:
Ընդ որում՝ հաճախ ոչ խիստ ծնողը որոշ չափով մեղմում է իրավիճակը, սակայն դա բավարար չէ բացասական ազդեցությունն ամբողջությամբ չեզոքացնելու համար:
Մասնագետները նշում են, որ երեխային խրախուսելու լավագույն միջոցը նրան հաճախ գովելն ու ընտանիքում լավ հարաբերությունները պահպանելն է:
Բացի այդ, ուսումնասիրությունները ցույց են տվել, որ այն մարդիկ, որոնք դաստիարակվել են դաժան մեթոդներով, հաճախ նույն կերպ են դաստիարակում նաև իրենց երեխաներին:
