Փոխոստիկանապետ է նշանակվել Նոր Նորքի նախկին թաղապետը
Փոխոստիկանապետ է նշանակվել Նոր Նորքի նախկին թաղապետը
ՀՀ նախագահ Արմեն Սարգսյանի հրամանագրով Հայկ Մհրյանը նշանակվել է ՀՀ ոստիկանության պետի տեղակալ։ Այս մասին հաղորդում են Հայաստանի Հանրապետության նախագահի աշխատակազմի հասարակայնության հետ կապերի վարչությունից։
«Հիմք ընդունելով վարչապետի առաջարկությունը` համաձայն Սահմանադրության 133-րդ հոդվածի 1-ին մասի, ինչպես նաև «Ոստիկանությունում ծառայության մասին» օրենքի 13-րդ հոդվածի 3-րդ մասի.
Հայկ ՄՀՐՅԱՆԻՆ նշանակել Հայաստանի Հանրապետության ոստիկանության պետի տեղակալ»,- նշված է հրամանագրում:
Նա մինչ այս պաշտոնին նշանակվելը զբաղեցնում էր Երևանի Նոր Նորք վարչական շրջանի ղեկավարի պաշտոնը, որից իր սեփական դիմումի համաձայն վերջերս ազատվել էր։
