Փաշինյան Նիկոլին մնացել են հաշված օրեր. Խաչիկ Ասրյան
Փաշինյան Նիկոլին մնացել են հաշված օրեր. Խաչիկ Ասրյան
«Հայոց Արծիվներ. Միասնական Հայաստան» կուսակցության Նախագահ՝ Խաչիկ Ասրյանը հայտարարություն է տարածել։
հայտարարության մեջ մասնավորապես ասվում է․
«Հայրենապա՛շտ Հայեր
Հայաստանի վարչապետի պաշտոնը զբաղեցնող Փաշինյան Նիկոլը հոգեբանական տեռորի, սպառնալիքների և քրեական հետապնդումների միջոցով փորձում է հետաձգել Հայաստանակործան իշխանության վերջնական վախճանը:
Հայաստանի խորհրդարանը լուծարելու՝ պատգամավորներին տրվող սպառնալիքներով, պատգամավորների և նրանց ազգականների դեմ քրեական գործեր սարքելու միջոցով՝ Փաշինյան Նիկոլն իր և մյուս խմբակցությունների անդամներին ստիպում է հլու-հնազանդ կատարել իր կամքը, այսինքն՝ քվեարկել իր՝ հակաօրինական և հակապետական օրինագծերի օգտին:
Անթույլատրելի համարելով Հայաստանի գործադիր իշխանության ղեկավար Փաշինյան Նիկոլի կողմից Հայաստանի՝ հատկապես օրենսդիր իշխանության ներկայացուցիչներին՝ պատգամավորներին, իրեն ենթարկեցնելու քաղաքականությունը՝ «Հայոց Արծիվներ. Միասնական Հայաստան» կուսակցությունը դատապարտո՛ւմ է Փաշինյան Նիկոլի մորթապաշտ, ինչպես նաև հաղթանակած հերոս հայ ժողովրդին սևի ու սպիտակի բաժանելու, ժողովրդի մեջ անընդհատ ատելություն սերմանելու քաղաքականությունը, և սեփական պաշտպանության տակ է վերցնում Փաշինյան Նիկոլի՝ Ազգային ժողովում նրան ընդդիմացող թիմակիցներին՝ իրավական և քաղաքական օգնություն, աջակցություն ցուցաբերելու համար:
Փաշինյան Նիկոլին մնացել են հաշված օրեր. մենք միասնաբա՛ր ենք հեռացնելու Հայաստանի վարչապետի պաշտոնը զբաղեցնող Փաշինյան Նիկոլին և նրա ձևավորած ապազգային և արևմտահպատակ իշխանությանը՝ ինքներս ձևավորելով ազգային-պետական իշխանություն՝ կառուցելով Քրիստոնյա, մեծ և հզոր միասնական Հայաստան»:
«Հայոց Արծիվներ. Միասնական Հայաստան»
կուսակցության Նախագահ՝ Խաչիկ Ասրյան
