Վարդգես Գասպարին բողոքի ակցիա է իրականացնում Ռուստամ Բադասյանի տան դիմաց (Տեսանյութ)

Վարդգես Գասպարին բողոքի ակցիա է իրականացնում Ռուստամ Բադասյանի տան դիմաց (Տեսանյութ)

Քաղաքացիական ակտիվիստ Վարդգես Գասպարին այժմ բողոքի ակցիա է իրականացնում Պետական եկամուտների կոմիտեի նախագահ Ռուստամ Բադասյանի տան դիմաց՝ պառկելով գետնին: Մոտեցած ոստիկանները փորձեցին հեռացնել նրան:

Գասպարիիին է մոտեցավ Ռուստամ Բադասյանի հայրն ու հարցրեց խնդրի էությունն, ինչին ի պատասխան Գասպարին ասաց, որ նամակ է ուղարկել, որը մնացել է անպատասխան:

Ավելի վաղ Գասպարին ֆեյսբուքյան իր էջում գրել էր. «Այսօր ՊԵԿ-ում իմ խաղաղ՝ ավանդական լուռ պառկած բողոքի ցույցը կասեցվեց և ոստիկանության միջոցով հարկադրանքի կիրառմամբ ես ենթարկվեցի վարչական ձերբակալման:

Անմիջապես հարկադրաբար վերցրին և անջատեցին հեռախոսս, թեև, որքան հիշում եմ, վարչական ձերբակալումն էդպես սահմանափակում չի նախատեսում։

Կենտրոնի բաժնում ինձ քարշ տվեցին միջանցքներում, իսկ աստիճանները բարձրացնելիս, դժգոհելով իմ քաշից, սեռական հայհոյանքներ տեղացին հատկապես նրանցից 1-2-ը, իսկ ավելի ստույգ՝ հատկապես մեկը… Բաժնում արդեն հեգնեցին ու հռհռացին…

Վարչական իրավախախտման ակտ կազմեցին և մոտ 1,5 ժամ հետո ինձ թողեցին:

Ընդհատված բողոքի ակցիան շարունակելու եմ քիչ անց Ռ, Բադասյանի տան դիմաց,

Արաբկիր, 23 փողոց, 28 շենք»:

Տեսանյութը ստորև