Վանաձորի բանտից հիվանդանոց տեղափոխված դատապարտյալը մահացել է

Վանաձորի բանտից հիվանդանոց տեղափոխված դատապարտյալը մահացել է

Shamshyan.com-ի տեղեկություններով՝ հոկտեմբերի 5-ին ողբերգական դեպք է տեղի ունեցել Լոռու մարզում։ Այդ օրը, ժամը 12։20-ի սահմաններում «Վանաձոր» ԲԿ է տեղափոխվել Երևանի բնակիչ՝ 69-ամյա Արշավիր Դեմիրխանյանը։

Ինչպես հայտնում է ֆոտոլրագրող Գագիկ Շամշյանը, վերջինս հիվանդանոց է տեղափոխվել ՀՀ արդարադատության նախարարության քրեակատարողական ծառայության «Վանաձոր» քրեակատարողական հիմնարկից։

Ա. Դեմիրխանյանը դատապարտված է եղել նախկին ՀՀ քրեական օրենսգրքի 104 հոդվածի 2-րդ մասի հատկանիշներով (սպանություն) և դատապարտվել է ազատազրկման՝ 12 տարի 6 ամիս ժամկետով։

Դեպքի փաստով Հայաստանի քննչական կոմիտեի Լոռու մարզային քննչական վարչությունում նախաձեռնվել է քրեական վարույթ, քննիչի որոշմամբ նշանակվել է դիակի դատաբժշկական փորձաքննություն։