Ռուսաստանը նպատակ ունի զարգացնել կապերը Հայաստանի հետ. Ալեքսեյ Օվերչուկ
Ռուսաստանը նպատակ ունի զարգացնել կապերը Հայաստանի հետ. Ալեքսեյ Օվերչուկ
Ռուսաստանը նպատակ ունի զարգացնել կապերը Հայաստանի հետ եւ գործնականում լուծել տնտեսական խնդիրները։
Այս մասին ՏԱՍՍ լրատվական գործակալությանը ասել է ՌԴ փոխվարչապետ Ալեքսեյ Օվերչուկը, ով ռուսական պատվիրակության գլխավորությամբ ժամանել է Երեւան՝ մասնակցելու ռուս-հայկական IX միջտարածաշրջանային համաժողովին եւ հավելել, որ սրանք միայն խոսքեր չեն:
«Այսպիսի ներկայացուցչական պատվիրակությամբ մենք ժամանել ենք այստեղ՝ ընդգծելու Հայաստանի հետ մեր պատմական մտերմությունը եւ մեր ժողովուրդների ու տնտեսությունների միջեւ կապերը զարգացնելու ու ամրապնդելու ցանկությունը։
Սա իններորդ ֆորումն է, այն ընթանում է մեր երկրների համար դժվարին պահին։ Խնդիրը Ռուսաստանի եւ Հայաստանի առջեւ ծառացած տնտեսական խնդիրների գործնական լուծումն է։ Սրանք ոչ թե գեղեցիկ խոսքեր են, ոչ թե տեսություն եւ խոստումներ, այլ իրական աշխատանք՝ ի շահ մեր երկրների ժողովրդի», – ասել է ՌԴ փոխվարչապետը։
Նա հավելել է, որ կողմերը հետեւողականորեն եւ անընդհատ աշխատում են բոլոր մակարդակներում՝ Ռուսաստանի եւ Հայաստանի մարզերում, գործարար եւ փորձագիտական համայնքներում, պետական կառույցներում։
