«Պետրո՛ս, չե՛ս թողնում խոսքս վերջացնեմ». բանավեճ՝ Արսեն Բաբայանի և Պետրոս Ղազարյանի միջև (Տեսանյութ)
«Պետրո՛ս, չե՛ս թողնում խոսքս վերջացնեմ». բանավեճ՝ Արսեն Բաբայանի և Պետրոս Ղազարյանի միջև (Տեսանյութ)
«Հայրենիք» կուսակցության անդամ Արսեն Բաբայանն այսօր Հանրային հեռուստաընկերության եթերում հայտարարել է Շուշին և Հադրութը հետ բերելու հնարավորության մասին. «Պետք է իրականացվի լուրջ դիավանագիտական աշխատանք»,- ընդգծել է Բաբայանը:
Եթերի ընթացքում հարցազրուցավար Պետրոս Ղազարայանը, դիմելով հյուրին, հարցրել է. «Կասե՞ք քայլերի հերթականություն. նշե՛ք հստակ քայլեր»:
«Պետրո՛ս, չե՛ս թողնում, որ ես վերջացնեմ: Ուզում եմ հասկանալ՝ հաղորդման ֆորմա՞տն է այդպիսին. ընդհատումներդ շատ են…: Ես իմ մասնագիտությամբ դիվանագետ չեմ և Ձեր հարցը պետք է ուղղեք մեր կուսակցության դիվանագետներին:
![Արսեն Բաբայան](https://bavnews.am/wp-content/uploads/2020/01/arsen-babayan.jpg)
Բայց վստահեցնում եմ, իմ իմացած գիտելիքների սահմաններում՝ առնվազն ճիշտ հարաբերություններ հաստատելով մեր գործընկեր պետությունների հետ և ճիշտ դիրքավորված բանակցելով թշնամի պետության հետ, վստահեցնում եմ՝ դա հնարավոր է»,- ի պատասխան ասել է Բաբայանը:
«Դուք պարտավո՛ր եք բացատրել, թե ինչպես եք Շուշին հետ բերելու, բայց Դուք չգիտեք…: Դուք մեղադրում եք այս իշխանությանը, որ նրանք պոպուլիստ են: Հիմա արդյո՞ք Դուք նույն պոպուլիզմով չեք զբաղվում հիմա»,- Բաբայանին հակադարձել է Պետրոս Ղազարյանը:
«Հայրենիք» կուսակցության անդամը կրկին շեշտել է, որ ինքը մասնագիտությամբ իրավաբան է և չի կարող դիվանագիտորեն ձևակերպել՝ ինչպես է հնարավոր տարածքների վերադարձը:
Մանրամասները՝ ստորև տեսանյութում