«Չափազանցված է իմ դերը հեղափոխության ընթացքում»․ Աննա Հակոբյան
Աննա Հակոբյանն Ամերիկայի ձայնին տված հարցազրույցում խոսել է հեղափոխության և մի շարք հարցերին տվել պատասխաններ․
«Շարժման կամ հեղափոխության նկատմամբ իմ հավատը հիմնված էր առաջին հերթին ամուսնուս գործունեության վստահության վրա։
Երկար տարիներ նա հետապնդում էր այն ամեն ինչին, ինչը իրականություն դարձավ հեղափոխությամբ։ Ես գիտեի, որ մի օր՝ ուշ թե շուտ, դա տեղի է ունենալու։ Ինձ համար շատ անակնկալ էր, ինքը տանն ասաց, որ Սերժ Սարգսյանի 3–րդ ժամկետի դեմ պետք է գործողություն սկսի։
Ինֆորմացիան առաջին իսկ պահից լսելուց հետո վստահ էր, որ այն ժամանակն է, որ ամեն ինչ հաջողությամբ է ավարտվելու։
Ես հուսով եմ, որ այս ընթացքն ինչ-որ մի պահի կկանգնի, որովհետու անկեղծորեն եմ ասում, որ չափազանցված է իմ դերը հեղափոխության ընթացքում։ Ես, որպես էդպիսին դեր չեմ ունեցել, իմ ամբողջ դերակատարումը սահմանափակվել է նրանով, որ ես իմ ամուսնու կողքին եմ եղել այդ քայլարշավի ընթացքում», – ասել է Աննա Հակոբյանը։
Հիշեցնենք, որ ՀՀ վարչապետի տիկին Աննա Հակոբյանը ապրիլի 1-ին մեկնել է ԱՄՆ: Այցի ընթացքում Աննա Հակոբյանին ուղեկցելու են «Իմ քայլը» բարեգործական հիմնադրամի գործադիր տնօրեն Հովհաննես Ղազարյանն ու «City of smile ժպիտների քաղաք» բարեգործական հիմնադրամի գործադիր տնօրեն Էսթեր Դեմիրճյանը:
