Ուկրաինան մեծ թափով պատրաստվում է պատերազմի․ Նարիշկին
Ուկրաինան մեծ թափով պատրաստվում է պատերազմի․ Նարիշկին
Կիևի իշխանությունները պատրաստվում են պատերազմի Դոնբասում, նրանք շփման գծում կենտրոնացրել են Ուկրաինայի ԶՈՒ բոլոր ստորաբաժանումները, MK-ին տված հարցազրույցում ասել է ՌԴ արտաքին հետախուզության ծառայության տնօրեն Սերգեյ Նարիշկինը։
«Ո՞րն է նպատակը, կարծում եմ՝ ոչնչացնել ժողովրդական հանրապետությունները, և այս ամենը Ռուսաստանին և Ուկրաինաին պատերազմի մեջ ներքաշելու համար»,- ասել է նա։
Նրա խոսքով՝ ազգայնականներն ու արևմտյան մենթորները պատերազմի են դրդում Ուկրաինայի նախագահ Վլադիմիր Զելենսկիին։
Միաժամանակ նա Դոնբասում դիմակայությունն անվանել է Ուկրաինայի գլխավոր սպառնալիքը։
«Այդ հակամարտությունը լուծելու միակ ճանապարհը դիվանագիտական ճանապարհն է: Սա մինսկյան պայմանավորվածությունների իրականացմանն ուղղված միջոցառումների համալիրի իրագործման ճանապարհն է»,- ընդգծել է Նարիշկինը:
