Նիկոլը փոխանակ մեր ժողովրդի կյանքի որակը բարձրացնի, բարձրացրել է իրա ու իրա թայֆայի կյանքի որակը․ Մենուա Հարությունյան
Նիկոլը փոխանակ մեր ժողովրդի կյանքի որակը բարձրացնի, բարձրացրել է իրա ու իրա թայֆայի կյանքի որակը։ Այս մասին իր ֆեյսբուքյան էջում գրել է քաղաքագետ Մենուա Հարությունյանը։
«Նիկոլը լավ չի հասկանում կամ չի ուզում հասկանալ, որ իշխանությունը բռնազավթելիս իրեն աջակցած մեր ժողովրդի մի մասը օգնեց իրեն ավելի լավ ապրելու ակնկալիքով, օգնեց որովհետև հավատում էր ընդիմադիր Նիկոլի ստերին, ով խոստանում էր բարեկեցություն, արդարություն…
Հիմա Նիկոլը փոխանակ մեր ժողովրդի կյանքի որակը բարձրացնելու, բարձրացրել է միայն իրա ու իրա թայֆայի կյանքի որակը, ինքն ու իրա թայֆեն աղքատությունը հաղթահարել են սեփական գլուխներում, գրպաններում, սկսել են ընկերություն անել նախկին օլիգարխների հետ ու մոռացել՝ իրենց իշխանության բերած ժողովրդին:
Փաստորեն ժողովրդին արդարություն ու բարեկեցություն խոստանալով Նիկոլը բռնազավթել է իշխանությունն ու զբաղված է ոչ թե մարդկանց կյանքի որակը բարձրացնելով, այլ Հայոց պատմության ու Հայոց եկեղեցու պատմության դեմ պայքարելով, Ստամբուլի կոնվենցիա, ու էլի նման ցնդաբանություններով:
Եթե Հայաստաանում իշխանությունները ցանկանում են որևէ կրթական մակարդակում արգելել Հայոց պատմության դասավանդումը և Հայաստանի քաղաքացիները մեկ մարդու պես դուրս չեն գալիս փողոց ու պայքարում այդ ապազգային մտածողության դեմ, ապա պետք է ընդունենք, որ Հայոց պատմության ապագան վտանգված է:
Եվ բոլոր նրանք, ովքեր սատարուն են Նիկոլին, բայց պնդում, որ նրա նշանակած Կրթության կամ Արտաքին գործերի նախարարներն են վատը՝ ուղղակի զբաղված են ինքնախաբեությամբ, քանզի առանց Նիկոլի նրա թայֆայի որևէ ներկայացուցիչ որևէ միտք չի կարող արտահայտել (և դա փաստվեց Նիկոլի վերջին լայվում):
Եթե Հայաստանը նվաճած սելջուկ-թուրքերն ու այլ օտարազի նվաճողները պայքարում էին Հայոց եկեղեցու, Հայոց պատմության, Հայոց լեզվի, Հայոց ինքնության դեմ, ինչ-որ տեղ հասկանալի էր, բայց երբ Նիկոլենք են պայքարում…»։
