Մահվան ելքով վրաերթի հեղինակը հայտնաբերվել է. նա 80-ամյա տղամարդ է
Մահվան ելքով վրաերթի հեղինակը հայտնաբերվել է. նա 80-ամյա տղամարդ է
Մարտի 8-ին, ժամը 21.25-ին, Երևանի Գևորգ Չաուշի փողոցում անհայտ ավտոմեքենայի վարորդը վրաերթի էր ենթարկել 62-ամյա Սամվել Մայիլյանին, որը տեղում մահացել էր, և 34-ամյա մի տղամարդու, որը մարմնական վնասվածքներով տեղափոխվել էր հիվանդանոց:
Վրաերթ կատարած վարորդը հեռացել էր դեպքի վայրից:
Ոստիկանության Երևան քաղաքի վարչության քրեական հետախույզները ոստիկանության Մաշտոցի բաժնի ծառայողների հետ ձեռնարկած օպերատիվ-հետախուզական միջոցառումների շնորհիվ պարզվել են, որ քաղաքացիներին վրաերթի է ենթարկել Պռոշյան գյուղի 80-ամյա մի բնակիչ՝ իր վարած «Հունդաի» ավտոմեքենայով։ Նա մարտի 9-ին հայտնաբերվել և բերման է ենթարկվել ոստիկանության Մաշտոցի բաժին:
Տղամարդը ձերբակալվել է: Կատարվում է նախաքննություն:
