Մածունը չեզոքացնում է օրգանիզմում առկա բացասական բակտերիաների ազդեցությունը
Մածունը չեզոքացնում է օրգանիզմում առկա բացասական բակտերիաների ազդեցությունը
Այն օժտված է բարձր բիոքիմիական ակտիվությամբ և պարունակում է կենդանի կաթնաթթվային մանրէներ, որոնք չեզոքացնում են օրգանիզմում առկա բացասական բակտերիաների ազդեցությունը։
Այն հարուստ է վիտամիններով և օրգանիզմի համար օգտակար բազմաթիվ տարրերով։ Նախնադարում մարդիկ կաթի ավելցուկը թողել են երկար ժամանակ, կաթը վերափոխվել է «թթու կաթի»՝ մածունի։ Պատահական այդ հայտնագործությունն էլ աստիճանաբար լայն կիրառություն է ձեռք բերել։
Մածուն
Շնորհիվ մանրէասպան հատկության, 5-6 օրական մածունը հրաշալի դեղամիջոց է աղեստամոքսային հիվանդությունների, թունավորումների, այրվածքների, խոցերի դեմ։
Մածունն օգնում է վատ քնի դեպքում, վերացնում հոգնածության և ճնշվածության զգացողությունը: Այն խորհուրդ է տրվում բոլոր այն մարդկանց, ովքեր պետք է վերականգնվեն հիվանդություններից հետո, նաև նրանց, ովքեր տառապում են տարբեր խրոնիկ ինֆեկցիոն հիվանդություններից:
Հայտնի է, որ Կոստանդնուպոլսից հրավիրված բժիշկը մածունով է բուժել Ֆրանսիայի արքա Ֆրանցիսկ Առաջինի վաղահաս ծերությունը։ Մեր նախնիներին հայտնի է եղել նաև մածունից խնոցու մեջ հարելով կարագ ստանալը։
Ավանդական հայկական մածունը բարելավում է մարսողությունը, բարձրացնում իմունիտետը։ Մածունը հանդիսանում է հայ ընտանիքի սննդակարգի անբաժանելի մասը։
Նյութը հրապարակման պատրաստեց՝ Bavnews.am-ը
