Մազերի ամրության համար օրեկան 4 հատ նուշ կերեք
Մազերի ամրության համար օրեկան 4 հատ նուշ կերեք
Նուշը պարունակում է գրեթե բոլոր հանքանյութերն ու վիտամինները, որոնք հարկավոր են մազերի աճի, դրանց առողջության ու գեղեցկության համար։
Մագնեզիումն ու ցինկը խթանում են մազերի աճը, իսկ B խմբի վիտամինները մազերին ամրություն ու փայլ են հաղորդում։
Գերմանացի հետազոտողները խորհուրդ են տալիս օրվա ընթացքում 4 նուշ ուտել, այն կօգնի օրգանիզմը հագեցնել միկրոտարրերով, որոնք ոչ միայն կամրացնեն մազերը այլև օրգանիզմը կհարստացնեն կարևոր օգտակար նյութերով։
Նուշը նաև օգնում է կարգավորել նյարդային համակարգի աշխատանքը, բարելավել քունը։
Նուշի յուղը լայնորեն կիրառվում է կոսմետոլոգիայում։ Այն պահպանում է նուշի բոլոր օգտակար հատկությունները և հարմար է բոլոր տեսակի մաշկերի համար։ Փափկացնում է, սնում, մաքրում և հարթացնում մաշկը։
Եթե թաց նուշն ուտեն կճեպի հետ, շատ կօգնի լնդերի ու բերանի խոռոչի հիվանդությունների դեպքում և կիջեցնի ջերմությունը: Թաց նուշը գիրացնում է մարմինը: Նուշն օգտակար է չոր հազի, արյունաթքության, միզապարկի և աղիների հիվանդությունների դեպքում:
Մաքրում է կուրծքը և հանգստացնում միզելու ժամանակ առաջացած մրմռոցը: Շաքարի հետ ուտելու դեպքում առատացնում է սերմնարտադրությունը, ինչպես նաև օգտակար է թոքերի համար: Բոված նուշն ուտելն օգտակար է ստամոքսի համար, բայց դանդաղ է մարսվում:
Նշի յուղն օգնում է ականջի ցավի դեպքում, իսկ բնափայտն օժտված է այն բոլոր հատկություններով, ինչ պտուղը: Նշի վնասակար ներգործությունը չեզոքացնում է շաքարը, ինչպես նաև` թթու մրգերի օշարակը:
Դառը նուշի լավագույն տեսակը խոշոր և յուղոտ է լինում: Մաշկին քսելու դեպքում կվերացնի պեպենները, կօգնի եղնջատենդի և էկզեմայի ապաքինմանը։
