Հնդկաստանում ամուսնացած Սիլվի Բարկովան՝ հղիության լուրերի մասին
«Ամենից ամենա» հաղորդման «Ամենաուշացող աստղերը» խորագրով թողարկումից հետո լուրեր են շրջանառվում, որ դերասանուհի Սիլվի Բարկովան բալիկի է սպասում:
Դերասանուհին որպես պարզաբանում ժպիտով արձագանքեց, որ ներկայումս անձնականին վերաբերող հարցերը մեկնաբանել չի ցանկանում, այդ թվում՝ չի ցանկանում ասել՝ բալիկի՞ է սպասում, թե՞ ոչ՝ ըստ էության ոչ հերքելով, ոչ էլ հաստատելով լուրը:
Նախորդ տարի հնդական ավանդույթներով ամուսնացած Սիլվին այժմ բնակվում է Հնդկաստանում: Ամիսներ առաջ՝ իր 27-ամյակի առթիվ տված հարցազրույցում Սիլվին ասել էր, որ մայրանալու ցանկություն միշտ է ունեցել, քանի որ անբացատրելի շատ է սիրում երեխաների, սակայն դեռ վաղ է համարում:
Աղբյուր՝ tert.am
