«Հայաստանը չի կարող այդ մարդկանց արտահանձնել». Սաքունց
«Հայաստանը չի կարող այդ մարդկանց արտահանձնել». Սաքունց
Իրավապաշտպան Արթուր Սաքունցը ֆեյսբուքյան իր էջում գրել է․
«Քիչ առաջ կարդացի Տանյա Շչուկինայի գրառումը ՀՀ ոստիկանության կողմից ընկերոջն ու ընկերուհուն ՌԴ-ի պահանջի հիման վրա ձերբակալելու, նաև իրեն փնտրելու և ՌԴ-ին հանձնելու վտանգի մասին:
Հայտնում եմ, որ ՀՔԱ Վանաձորի գրասենյակն անմիջական պաշտպանության տակ է վերցնում այդ մարդկանց իրավունքները և կզբաղվի:
![tanya](https://bavnews.am/wp-content/uploads/2022/06/tanya.jpg)
Միաժամանակ հայտնում եմ, որ Հայաստանը չի կարող այդ մարդկանց արտահանձնել, քանի որ ՌԴ-ում երաշխավորված չեն նրանց հիմնարար իրավունքները, այդ թվում վատ վերաբերմունքից, խոշտանգումներից զերծ մնալու բացարձակ իրավունքը:
Նման իրավիճակ ունեցող պետություն արտահանձնելու դեպքում Հայաստանի իշխանություններն անմիջական պատասխանատվություն կկրեն արտահանձնումից հետո ՌԴ-ում այդ մարդկանց մարդու իրավունքների խախտումների համար»: