Ինչ բիզնեսներ ունեն շոու-բիզնեսի ներկայացուցիչները
Երգիչ Արամեն իր հարցազրույցներում միշտ նշում էր, որ երազում է սեփական կարաոկեն ունենալու մասին։ 2012 թվականին՝ իր տարեդարձի օրը, Արամեն իրականացրեց երազանքը՝ բացելով «Արամե» կարաոկե ակումբը։
Դերասան Խորեն Լևոնյանի կինը՝ դերասանուհի Լիկա Մեսրոպյանը, տարիներ առաջ որոշեց թատրոնի բեմը փոխարինել ավելի «քաղցր» աշխատանքով և բացեց «Laki» տորթերի սրահը։
Երգչուհի Նունե Եսայանի «NN» գեղեցկության սրահը գործում է ավելի քան տասը տարի։
Հովհաննես Ազոյանն ունի իր գինետունը։ Մոտ մեկուկես տարի է, ինչ այն գործում է։
Սարգիս Գրիգորյանն ու կինը՝ Մանոն, նախ բիզնես սկսեցին ընկերների՝ դերասաններ Նարբե Պողոսյանի և Աստղիկ Ալավերդյանի հետ։ Կարճ ժամանակ անց, սակայն, նրանք առանձնացան, և Սարգիսն ու Մանոն բացեցին «Գրիգորյանս» հարսանյաց ստուդիան։
Սոս Ջանիբեկյանը գինետուն և փաբ ունի, սակայն նա այս բիզնեսների միակ սեփականատերը չէ։ Դերասանը համագործակցում է ընկերոջ հետ։
