Զոհված 24-ամյա Արթուր Սահակյանը Գյումրիից էր․ կարատեի չեմպիոն էր, ուներ սև գոտի
Զոհված 24-ամյա Արթուր Սահակյանը Գյումրիից էր․ կարատեի չեմպիոն էր, ուներ սև գոտի
Ապրիլի 11-ին ադրբեջանական սադրանքի հետևանքով Տեղ գյուղում զոհված 24-ամյա Արթուր Սահակյանը Գյումրիից էր: Այս մասին Bavnews.am-ին տեղեկացրեց նրա մտերիմ ընկերներից։
Արթուրը սովորել է Գյումրու թիվ 31 դպրոցում, ապա՝ Գյումրու ակադեմիական վարժարանում, այնուհետև կրթությունը շարունակել է Վազգեն Սարգսյանի անվան ռազմական համալսարանում։
Արթուրը նաև հաջողություններ էր գրանցել սպորտի բնագավառում, նրան ճանաչողները առանձնահատուկ նշեցին, թե որքան խիզախ, նվիրված ու համեստ երիտասարդ էր:
Արթուրը կարատեի Հայաստանի մանկապատանեկան առաջնության չեմպիոն էր, ուներ սև գոտի:
![artur sahakyan](https://bavnews.am/wp-content/uploads/2023/04/artur-sahakyan.jpg)
Հիշեցնենք, որ ապրիլի 11-ին ՝ ժամը 16:00-ի սահմաններում, Ադրբեջանի ԶՈՒ ստորաբաժանումները կրակ են բացել Տեղ համայնքի հատվածում ինժեներական աշխատանքներ իրականացնող ՀՀ ԶՈՒ զինծառայողների ուղղությամբ:
Հայկական կողմն ունի 4 զոհ և 6 վիրավոր:
Արթուր Ավետիսի Սահակյան (ծնվ. 1999թ.)
Մկրտիչ Արմենի Հարությունյան (ծնվ. 1989թ.)
Հենրիկ Վաչագանի Քոչարյան (ծնվ. 1997թ.)
Նարեկ Գագիկի Սարգսյան (ծնվ. 1994թ.)