Զիմբաբվեից հետ ենք․ հրապարակվել է աշխարհի բանակների վարկանիշը, որ տեղում է Հայաստանը
Ամերիկյան «Global Firepower» կայքը հրապարակել է աշխարհի ուժեղագույն բանակների վարկանիշը, որը գլխավորում է ԱՄՆ-ն։
Ռուսաստանը 2-րդ տեղում է, իսկ Չինաստանը՝ 3-րդ: 10-նյակը եզրափակում է Իտալիան։
Ընդհանուր առմամբ 60 գործոն է հաշվի առնում յուրաքանչյուր երկրի ռազմական հզորությունը որոշելու համար: Դրանք են՝ անձնակազմի քանակը, սպառազինությունը, ռազմական տեխնիկան և այլն։
Հայաստանը, ինչպես և նախորդ տարի, զբաղեցրել է 102-րդ հորիզոնականը: Ադրբեջանն ու Վրաստանը զբաղեցրել են համապատասխանաբար 59-րդ և 84-րդ տեղերը։
