Երևանի նորակառույց շենքը միջազգային մրցանակ է ստացել
Երևանի նորակառույց շենքը միջազգային մրցանակ է ստացել: 2019 թվականի նոյեմբերի 22-ին Մոսկվայում Ռուսաստանի Գեղարվեստի ակադեմիայի շենքում տեղի ունեցավ «Նախագծողների և հետազոտողների ազգային ասոցիացիայի» «NOPRIZ 2019» միջազգային մրցույթը։
Մրցույթին մասնակցում էին նորակառույց 550 շենքերի նախագծեր Ռուսաստանից, Հայաստանից, Ղազախստանից, Ղրղզստանից, Բելառուսից, Ուզբեկստանից, Հարավային Օսիայից և Սերբիայից։
Մրցութայի շրջանակներում պարգևատրվեցին 19 անվանակարգերում ներկայացված նախագծերը՝ մասնավորապես միջազգային մրցանակ ստացավ «Էկոնոմ դասի բնակելի նշանակության լավագույն համալիր» անվանակարգում հաղթող ճանաչվեց Երևանի Դավթաշեն վարչական շրջանի, Սասնա Ծռեր փողոցի վրա գտնվող «Դավթաշեն-2» համալիրը, որը կառուցվել է «Ռենշին» ներդրումային ընկերության կողմից, «Նարեկ Սարգսյան» ճարտարապետական արվեստանոցի հեղինակած նախագծով։
![նորակառույց շենք](https://bavnews.am/wp-content/uploads/2019/12/norakaruyc-shenq-1.jpg)
Մրցույթի հանձնաժողովում ընգրկված էին Նախագծողների և հետազոտողների ազգային ասոցիացիայի նախագահ ակադեմիկոս Միխայիլ Պոսոխինը, Ռուսաստանի Գեղարվեստի ակադեմիայի նախագահ, ակադեմիկոս Զուրաբ Ծերեթելին, Ռուսաստանի ճարտարապետների միության նախագահ Նիկոլայ Շումակովը, ինչպես նաև Ռուսաստանի Գեղարվեստի ակադեմիայի ճարտարապետության բաժանմունքի ակադեմիկոսներ: