Երբ կինը խոսում է, լսիր, թե ինչ են ասում նրա աչքերը․ Վիկտոր Հյուգո

Երբ կինը խոսում է, լսիր, թե ինչ են ասում նրա աչքերը․ Վիկտոր Հյուգո

Bavnews.am-ը ձեզ է ներկայացնում Վիկտոր Հյուգոյի լավագույն խոսքերից մի քանիսը։

Վիկտոր Հյուգոյի ստեղծագործություններից մեծ ժողովրդականություն են վայելում հատկապես «Փարիզի Աստվածամոր տաճարը» (Notre-Dame de Paris, 1831 թ.) և «Թշվառները» (Les Misérables, 1862 թ.) վեպերը:

Վիկտոր Հյուգոն հայտնի քաղաքական գործիչ և մտավորական էր, ով մեծ դեր է կատարել XIX դարի պատմության մեջ: Նա նշանակալի տեղ է զբաղեցնում XIX դարի ֆրանսիական գրականության պատմության մեջ իր բազմաժանր ստեղծագործություններով:

Ստորև՝

Վիկտոր Հյուգոյի մտքերից մի քանիսը

Մեր միտքը հարստանում է այն ամենով, ինչ ստանում ենք, իսկ սիրտը՝ այն ամենով, ինչ տալիս ենք: 

Ինտելեկտը կինն է, երևակայությունը՝ սիրուհին, հիշողությունը՝ աղախինը:

Երբ կինը խոսում է, լսիր, թե ինչ են ասում նրա աչքերը:

Ապագան տարբեր անուններ ունի: Տկարների համար՝«Անհնարին» , թուլամորթների համար՝ «Առեղծվածային», իսկ խիզախների համար՝ «Իդեալական»:

Երաժշտությունն արտահայտում է այն, ինչի մասին չես կարող խոսել և այն, ինչի մասին չես կարող լռել: 

Նույնիսկ ամենախավար գիշերը կավարտվի և արևը նորից կծագի: 

Ի՞նչ է սերը: Մի անգամ փողոցում հանդիպեցի մի աղքատ մարդու, որը սիրահարված էր: Նրա գլխարկը հին էր, վերարկուն՝ մաշված, ջուրը կոշիկների մեջ էր լցվել, իսկ աստղերը՝ հոգու մեջ: 

Մեկ այլ մարդու սիրելը նշանակում է տեսնել Աստծո դեմքը: 

Կարդալ սովորել նշանակում է կրակ բռնկել: Յուրաքանչյուր վանկ, որ արտասանում ենք կայծ է: 

Հանդուրժողականությունն ամենալավ կրոնն է: 

Ծիծաղն այն արևն է, որ հեռացնում է ձմեռը մարդու դեմքից: 

Կյանքը ծաղիկ է, որի համար սերը մեղր է: 

Այն մարդն, ով բացում է դպրոցի դուռը, փակում է բանտի դուռը:

Կյանքը կարճ է, և մենք ավելի են կարճացնում այն անզգուշորեն ժամանակ վատնելով: 

Տառապանքն է, որ մարդուն դարձնում է հրեշտակ:

Մարդիկ ուժ ունեն, բայց ոչ կամքի ուժ: 

Ի՞նչ է պատմությունը: Այն անցյալի արձագանքն է ապագայում, և ապագայի արտացոլումն անցյալում: