«Եվրատեսիլ 2019»-ի Հայաստանի ներկայացուցիչը կհայտարարվի 2 օրից․ Հավանաբար նա Սրբուհի Սարգսյանն է
Իսրայելում կայանալիք «Եվրատեսիլ 2019» երգի միջազգային մրցույթին Հայաստանի պատվիրակի անունը կհայտարարավի երկու օրից:
Առաջին ալիքից հայտնում են, որ նոյեմբերի 30-ին՝ ժամը 22:20-ին «Լավ երեկո » հեռուստաշոուի ընթացքում կհայտարարվի այն արտիստի անունը, որը կներկայացնի Հայաստանը «Եվրատեսիլ 2019» երգի միջազգային մրցույթում։
Հավանական թեկնածուների շարքում ակտիվորեն շրջանառվում է Սրբուհի Սարգսյանի անունը: Սոցցանցերի օգտատերերը իրենց մեկնաբանություններում նշում են նաև Սոնա Ռուբենյանի և «Նեմրա» ռոք խմբի անունները:
