«Ես գտնում եմ իշխանությունը այս պահին ճիշտ ուղղությամբ չի գնում»․ Գևորգ Պետրոսյան (Տեսանյութ)
«Ես գտնում եմ իշխանությունը այս պահին ճիշտ ուղղությամբ չի գնում»․ Գևորգ Պետրոսյան
Այս մասին այսօր՝ փետրվարի 11-ին, Bavnews.am-ի հետ զրույցում նշեց ԱԺ «Բարգավաճ Հայաստան» խմբակցության պատգամավոր Գևորգ Պետրոսյանը։
Նա անդրադարձավ Սահմնանադրական փոփոխություններին և 2020թ. ապրիլի 5-ին կայանալիք հանրաքվեին։
«Մենք նպատահարմար չենք գտնում դիմել Սահմանադրական դատարան, քանի որ կա խնդիր։
Կստացվի, որ դատարանը քննում է իր վերաբերյալ գործ, չնայած՝ իրավաբանների կարծիքը այստեղ բաժանվում է»,- պատասխանելով ընդդիմության հնարավոր ստորագրահավաքի և Սահմանադրական դատարան դիմելու՝ հանրաքվեն անվավեր ճանաչելու նպատակով հարցին՝ նշեց Պետրոսյանը։
«Հրայր Թովմասյանի անունը ԱԺ-ում այնքան հնչեց, որքան երևի իր կյանքի բոլոր ծնունդների և ուրախ միջոցառումների ընթացում այդքան չէր հնչել։
Իշխանությունը ավելի լավ է հոգ տանի, որ հանրաքվեի անցկացման գործըթացը օրենքի շրջանակներում իրականացվի։ Այսօրվանից արդեն սկսել են քարոզարշավ և ամենաբարձր մակարդակով, սա արդեն օրենքի խախտում է, որովհետև։
Ինչու՞ չեն համապատասխան կառույցները արձագանքում։ Սա վերաբերում է հավասարապես բոլորին»,- ընդծեց պատգամավորը։
Նա հորդորեց օբյեկտիվությունը պահել․ Ես անձամբ ոչ -ի կողմնակից եմ և չեմ թաքցնում դա։
«Նախագիծը ունի շատ վիճելի և խոցելի կողմեր և ասել ենք այդ մասին։ Եկենք ձեռք ձեռքի տանք և ավելի որակյալ, ավելի կենսունակ և ավելի ճկուն մեխանիզմ մտածենք», – ասաց Գևորգ Պետրոսյանը։
Նրա կարծիքով այսպիսի գլոբալ հարցում պետք չէ արհամարհել և անտեսել եվրոպական հեղինակավաոր կառույցների դերակատարությունը․
«Այս նեղ վիճակում սա մեզ պետք չէ, երբ մենք ունենք Ղարաբաղյան վտանգավոր և չլուծված խնդիր։ Ես գտնում եմ, որ իշխանությունը այս պահին ճիշտ ուղղությամբ չի գնում, սա իմ անձնական կարծիքն է», – ընդգծեց պատգամավորը
Եվ վերջում Պետրոսյանը հայտնեց, որ ԲՀԿ-ն հավանաբար մինչև այս շաբաթվա վերջ պաշտոնական իր դիրքորոշումը կներկայացնի։
Առավել մանրամասն՝ Bavnews.am-ի տեսանյութում
