Բնական դեղամիջոց ստամոքսի խոցերը բուժելու ու դիսբակտերիոզից ազատվելու համար
Բնական դեղամիջոց ստամոքսի խոցերը բուժելու ու դիսբակտերիոզից ազատվելու համար
Ստամոքսի խոցը լուրջ խնդիր է, որի դեպքում ախտահարվում է ստամոքսի լորձաթաղանթն, ու առաջանում են խոցեր:
Սովորաբար այս հիվանդությունը դրսևորվում է սաստիկ ցավերով ու ինքնազգացողության վատացմամբ:
Առավել հաճախ ստամոքսի խոցերի առաջացումը պայմանավորված է լինում հելիկոբակտեր պիլորի բակտերիաների առկայությամբ, որոնք կարող են գոյատևել անգամ ստամոքսի թթվային միջավայրում:
Այս հիվանդությունը հարկավոր է ժամանակին ախտորոշել ու բուժել, այլապես այն կարող է վերածվել քաղցկեղի, ինչը խիստ կբարդացնի բուժումը:
Խոցերի առկայության դեպքում սովորաբար նշանակվում է հատուկ բուժում, սակայն գոյություն ունի մի բնական միջոց, որը կօգնի ոչ միայն բուժել խոցերն ու վերականգնել ստամոքսի լորձաթաղանթը, այլև կազատի աղիների հետ կապված մի շարք այլ խնդիրներից և դրանց տհաճ հետևանքներից:
Բնական դեղամիջոց
Այս դեղամիջոցի հիմնական բաղադրիչը նուռն է, որը հաճախ օգտագործվում է արյան մաքրման ու բարելավման, ինչպես նաև անեմիայի (սակավարյունություն) բուժման համար:
Սակայն այն նաև շատ օգտակար է ստամոքսի խոցերի դեպքում:
Բաղադրությունը`
10-12 գրամ նռան չորացրած կեղև,
200 մլ ջուր:
Պատրաստման եղանակը
Դեղամիջոցը պատրաստելու համար հարկավոր է նռան չորացրած կեղևներին ավելացնել եռման ջուր, այնուհետև տարան ծածկել կափարիչով և թրմել 25-30 րոպե:
Օգտագործման եղանակը
Ստացված թուրմը հարկավոր է խմել օրական 4 անգամ 50 մլ: Բուժման կուրսը տևում է 7 օր (առանց ընդհատումների): Ընդ որում՝ այն կօգնի բուժել ոչ միայն ստամոքսի խոցերը, այլև բարակ աղիների խոցերը, կոլիտն ու դիսբակտերիոզը:
